Upplýsingar

Skilmálar

Skilmálar fyrir básaleigjendur hjá Gullið mitt.

1. 01

   Bókanir og afbókanir

   Bás er hægt að bóka á gullidmitt.is, í versluninni eða í síma 519-5584. Komi upp vandamál við bókun á vefnum geturðu hringt eða sent tölvupóst á gullidmitt@gullidmitt.is.

   Til að eiga rétt á endurgreiðslu þarf afbókun að berast með minnst 14 daga fyrirvara miðað við fyrsta dag leigutímabilsins.

2. 02

   Verð

   Öll verð á vefnum eru með virðisaukaskatti nema annað sé tekið fram.

   Fyrirtæki sem selja vörur í bás þurfa að skila réttum skattupplýsingum og láta vita við skráningu ef þau selja virðisaukaskattsskyldar vörur.

3. 03

   Þóknun og útborgun

   Gullið mitt heldur eftir 20% þóknun af heildarsölu áður en söluhagnaður er greiddur út.

   Söluhagnaður er greiddur inn á reikning þess sem skráður er fyrir básnum og hefur gefið upp reikningsnúmer. Útborgun fer fram í lok leigutímabilsins.

4. 04

   Básar

   Komdu með vörurnar annaðhvort klukkustund fyrir lokun daginn áður en leigutíminn hefst eða klukkustund fyrir opnun fyrsta leigudag. Ef enginn mætir eða hefur samband fyrsta leigudag áskiljum við okkur rétt til að leigja básinn öðrum.

   Rauðir dagar teljast ekki með í leigutímanum ef verslunin er lokuð þá.

   Ekki má festa neitt á básinn nema með sérstöku leyfi. Leigjandi sér sjálfur um verðmerkingar og ber ábyrgð á þeim.

   Í lok leigutímans skal básinn vera tæmdur og hreinn í síðasta lagi klukkustund fyrir lokun síðasta leigudag.

   • Ef básinn hefur ekki verið tæmdur tekur starfsfólk vörurnar niður gegn 4.000 kr. afgreiðslugjaldi. Sé samið um það fyrirfram er gjaldið 2.000 kr.
   • Vörur sem skildar eru eftir eru geymdar í allt að 7 daga gegn 1.000 kr. geymslugjaldi á dag, sem dregst frá söluhagnaði.
   • Eftir 7 daga verða vörurnar eign Gullið mitt og eru gefnar til góðgerðarmála eða þeim ráðstafað á annan hátt.
5. 05

   Umgengni og snyrtimennska

   Leigjendur bera ábyrgð á að básinn sé snyrtilegur allan leigutímann, bæði við uppsetningu og þegar fyllt er á.

   Ekki má troða svo mörgum vörum í básinn að hann verði yfirfullur eða óaðgengilegur. Ef þú ert með mikið magn er mikilvægt að koma reglulega og fylla á og laga til. Ef bás er orðinn svo yfirfullur að erfitt er að skoða vörurnar áskiljum við okkur rétt til að taka hann niður án fyrirvara gegn 4.000 kr. afgreiðslugjaldi.

   Starfsfólk tekur létt til eftir þörfum, réttir af, raðar og fjarlægir rusl. Við hvetjum leigjendur til að taka virkan þátt, því snyrtileg framsetning eykur sölu.

   Uppfylli bás ekki kröfur verslunarinnar um hreinlæti og skipulag, eða séu reglur ítrekað brotnar, áskiljum við okkur rétt til að fjarlægja vörur og rifta leigunni. Tilkynning er send skriflega nema um alvarlegt brot sé að ræða.

6. 06

   Vörur

   Seljandi ber fulla ábyrgð á því að eiga þær vörur sem hann selur og að löglegt sé að selja þær.

   Óheimilt er að selja:

   • Ólöglegar, falsaðar eða stolnar vörur
   • Skaðlegar eða hættulegar vörur
   • Vörur sem starfsfólk metur óviðunandi miðað við gildi og ímynd verslunarinnar, til dæmis skítugar, illa lyktandi eða götóttar vörur

   Nafnspjöld og annað kynningarefni er ekki leyft í básum.

   Sé skilmálum ekki fylgt verða vörur fjarlægðar án fyrirvara og verslunin áskilur sér rétt til að rifta leigunni.

7. 07

   Verðlagning og skattskil

   Leigjendum ber að virða markaðsvirði varanna. Hafi seljandi keypt vöru á lægra verði en hann selur hana á ber honum að telja hagnaðinn fram til skatts samkvæmt lögum.

8. 08

   Verðmerkingar

   Allar vörur skal merkja skýrt með réttu verði og básanúmeri.

   Sé vara færð á milli bása á leigutímanum þarf að uppfæra verðmiðann með réttu básanúmeri, svo salan skráist rétt.

   Óheimilt er að villa um fyrir viðskiptavinum með röngum eða villandi verðupplýsingum á básnum. Til dæmis má ekki setja upp skilti sem segir „500–5.000 kr.“ ef verðbilið er í raun 500–15.000 kr. Slíkt er brot á skilmálum og getur leitt til þess að leigunni verði rift.

9. 09

   Þjófavarnir og ábyrgð

   Þjófavarnir fylgja básaleigu fyrir allar vörur yfir 2.000 kr. Verslunin er vöktuð af starfsfólki á gólfi, með öryggismyndavélum og öryggishliðum.

   Gullið mitt ber enga ábyrgð á stolnum, týndum eða skemmdum vörum, né á tjóni af völdum bruna eða vatns.

10. 10

    Greiðslur og persónuvernd

    Greiðslur fara fram í gegnum örugga greiðslusíðu og Gullið mitt geymir ekki kortaupplýsingar. Sé greitt símleiðis er kortaupplýsingum eytt um leið og greiðslu er lokið.

    Seljandi ber ábyrgð á að meðhöndla persónuupplýsingar í samræmi við lög. Kaupendur skuldbinda sig til að gefa upp réttar upplýsingar við kaup, svo sem nafn, heimilisfang og netfang.

11. 11

    Trúnaður

    Gullið mitt heitir viðskiptavinum sínum fullum trúnaði. Persónuupplýsingar eru aldrei afhentar þriðja aðila.